電影《沙灘拯救隊》Baywatch
2017-05-22

 
        經典美劇《沙灘拯救隊》(Baywatch)由1989年拍到2001年,總共11季,熱爆90年代;其故事情節圍繞沙灘救生員的營救工作同浪漫戀情展開。
 
 
今次電影最大賣點莫過於異常吸睛的救生員組合,連性感女神Kate Upton都模仿過?住救生板喺海邊奔跑的經典養眼場面。
 
 
男神碩克艾佛朗狂曬肌肉 《加州大地震》索女震爆沙灘
當年?經典角色固然無可取替,但電影版?選角絕對可媲美當年。去年獲《People》選為「全球最性感男士」的《加州大地震》(San Andreas)動作巨星狄維莊遜(Dwayne Johnson),將會聯同《賤鄰》(Neighbors)系列陽光型男碩克艾佛朗(Zac Efron)喺沙灘大曬肌肉。
 
 
而女救生員除咗有惹火辣模嘉莉洛芭克(Kelly Rohrbach)、艾芬妮舒哈德拉(Ilfenesh Hadera)外,《加州大地震》矚目女星愛麗珊德拉達迪莉奧(Alexandra Daddario)亦會入隊,再同狄維合作。
 
 
另外,寶萊塢賣座女星彼欣嘉卓芭拉(Priyanka Chopra)的演出,令惹火指數更加爆燈!
 
 
據聞當年?經典男女主角大衛夏素荷夫(David Hasselhoff)同彭美拉安德遜(Pamela Anderson)亦都有份演出。總之,今個夏日海灘波濤洶湧,「肌」不可失,觀眾小心暈晒大浪,全身濕晒!
 
 
電視原創班底監製 《邊個波士唔抵死?》導演又一力作
既然幕前陣容咁進擊,幕後班底又點會輸蝕!狄維莊遜及電視版的3位原創作人:米高伯克(Michael Berk)、道格拉斯史華茲(Douglas Schwartz)同格雷高利邦楠(Gregory J. Bonann)都會擔任監製。
 
 
此外,執行監製陣容更包括《捉鬼敢死隊》(Ghostbusters)、《寡佬飛行日記》(Up in the Air)等賣座喜劇監製,來頭絕對唔小!
 
 
至於導筒,就交由《邊個波士唔抵死?》(Horrible Bosses)導演薛夫哥頓(Seth Gordon),搞笑功力毋庸置疑。
 
 
老嘢VS新仔 兩代型男救生員 點樣解救沙灘?
獻身於救人事業的「沙灘拯救隊」隊長米治(狄維莊遜 飾),同自以為是?新隊員麥仔(碩克艾佛朗 飾)前世撈亂骨頭,針鋒相對。
 
 
與此同時,佢哋發現有犯罪集團正威脅沙灘安全,兩位唔啱咀形的大隻佬又會有咩對策?
 
 
電影《沙灘拯救隊》Baywatch
導演:薛夫哥頓
監製:米高伯克、道格拉斯史華茲、格雷高利邦楠
演員:狄維莊遜、碩克艾佛朗、嘉莉洛芭克、艾芬妮舒哈德拉、愛麗珊德拉達迪莉奧、彼欣嘉卓芭拉、大衛夏素荷夫、彭美拉安德遜
片種:
級別:IIB
片長:116分鐘
語言:英語 (中文字幕)
上映:2017年6月1日(5月25日開始上映優先場)