電影《街頭祖霸王》〝Uncle Drew〞
2018-05-28

 

      打街場最過癮之處,莫過於跟隊同三唔識七?人鬥波,有時仲會遇到隱世高人過番幾招添!
 
 
香港街場曾經一度係Fisherman Lok同比比鳥呢對籃球孖寶?天下,可惜兩位神人已經轉行拍戲,一眾巴打無緣同兩位鬥波,絲打亦再睇唔到佢哋射籃?英姿。眼見兩位灌籃高手喺娛圈撈到風生水起,稱霸美國街場?Uncle Drew實行有樣學樣,仲搵埋多位NBA名人堂巨星傍住齊齊殺入大銀幕!
 
 
跨世代夢幻組合玩轉街場 NBA巨星喜劇細胞勁爆發
《移動迷宮》系列監製打造更勵志更爆笑更激情電影版
Uncle Drew係百事可樂短片中?虛構角色,咪睇佢成頭白髮兼凸腩,呢位阿伯後生時其實係街場巨星,基本功紮實,得分、過人技術自然比後生仔更多花臣。
 
 
由NBA勁旅塞爾特人巨星控衛基利艾榮(Kyrie Irving)化老妝扮演?Uncle Drew,每次出場例必俾人笑屎波,但熱完身就即刻嚟料,crossover、急停跳射、超遠三分、剷籃、偷波、入樽樣樣齊,令全場後生仔大跌眼鏡。
 
 
百事2012年推出第一集網上短片已經瘋魔全球,系列單計Youtube?總點撃率至今已經破億,而喺各大社交平台?總瀏覽量更超過17.5億﹗難怪會吸引《移動迷宮》(Maze Runner)系列監製馬提保雲(Marty Bowen)
系列搬上大銀幕。
 
 
充滿喜劇細胞?艾榮今次會繼續親身上陣施展球技,仲搵埋多位NBA殿堂級人物組隊落場,包括4屆NBA總冠軍「巨無霸」奧尼爾(Shaquille O’Neal)、三分神射手「牙擦蘇」米拿(Reggie Miller)、帝王傳奇前鋒韋伯(Chris Webber)、三屆入樽王尼特羅賓遜(Nate Robinson)及4屆奧運女籃金牌得主萊斯莉(Lisa Leslie),再加上剛剛憑《訪•嚇》(Get Out)勇奪MTV電影大獎「最佳喜劇演出」的路威賀維(Lil Rel Howery),帶住呢隊明星隊,肯定會傾盡全力大放笑彈!
 
 
唔玩唔知身體好,老友個個球技高
街波領隊丁屎(路威賀維 飾)傾盡畢生積蓄,為球隊報名參加喺街頭籃球聖地──洛克公園舉行?大賽,點知成隊波畀宿敵撬走,獎金夢碎,連條女都被撬埋。絕望之際,丁屎竟然遇到傳說中?隱世街場巨星祖伯Uncle Drew (基利艾榮 飾),仲氹掂佢出山再次披甲。
 
 
祖伯為咗證明「鋒利過?刀,都有再鋒利?一日」,特別要求搵返當年?隊友(奧尼爾、米拿、韋伯、羅賓遜、萊斯莉 飾)拍住上,勢要畀而家班後生睇?…波,始終係老?辣!
 
 
電影《街頭祖霸王》〝Uncle Drew〞
主演:NBA巨星 基利艾榮 (Kyrie Irving)、《訪•嚇》路威賀維(Lil Rel Howery)、「巨無霸」奧尼爾(Shaquille O’Neal)、帝王傳奇 基斯韋伯(Chris Webber)、「牙擦蘇」米拿(Reggie Miller)、三屆入樽王 尼特羅賓遜(Nate Robinson)、4屆奧運金牌 (萊斯莉Lisa Leslie)
導演:查理史東三世
級別:待定
片長:待定
語言:英語 (中文字幕)
片種:喜劇 | 動作
上映日期:2018年6月28日