電影《邊個出差咁黑仔?》 "GRINGO"
2018-03-13

    揀老公就話要揀個老實人,但喺弱肉強食?職場上,單純老實人就註定會俾人恰,想有運行都幾難!由金像影后查理絲花朗(Charlize Theron)監製的爆笑動作喜劇《邊個出差咁黑仔?》(Gringo)話你知,有時腳踏實地的普通打工仔,黑起上來都可以好鬼慘!
 
 
戲中主角為咗保住份工,由芝加哥搏到去墨西哥都算,仲要俾黑幫點錯相,喺世界最危險?國度亡命狂逃……想唔封佢做「地獄黑仔王」都唔得!
 
 
金像影后夥拍金球提名影帝瘋狂玩轉墨西哥
電影由荷里活資深特技演員拿殊艾格頓(Nash Edgerton)執導,佢曾經喺多部知名電影中擔任替身,包括《廿二世紀殺人網絡》(The Matrix)系列、《狼人:武士激戰》(The Wolverine)、《追擊拉登行動》(Zero Dark Thirty)、《大亨小傳》(The Great Gatsby)等,抵死幽默?動作場面絕對有保證!
 
 
而黑仔男主角則由英國黑人演員大衛奧伊羅奧(David Oyelowo)飾演。曾經憑《馬丁路德金──夢想之路》(Selma)獲得金球獎影帝提名?大衛,近年演出都以嚴肅題材為主,例如去年上映?傳記愛情片《愛無懼色》(A United Kingdom);今次可謂大改戲路,更係佢第一次參演黑色喜劇,盡顯自己?喜劇細胞!
 
 
其他主演仲包括身兼監製?金像影后《原子殺姬》查莉絲花朗、《紅雀特工》祖艾格頓(Joel Edgerton)、《賤熊2》雅曼達施菲(Amanda Seyfried)、《黑魔后:沉睡魔咒》沙杜高柏(Sharlto Copley)等。
 
 
為咗份工 戇佬命仔不保 黑到盡頭 人生仲有冇救?
賤精腦細易拎(查莉絲花朗 飾)同陸七(祖艾格頓 飾)為咗賣盤,老點下屬哈奴(大衛奧伊羅奧 飾)齊齊出差去墨西哥,叫停公司同毒梟之間?交易。
 
 
戇直?哈奴到埗後先發現事有蹺蹊,但不負責任?腦細已經走為上著,只留低爛攤子。
 
 
於是,唔知真癡定假傻,哈奴把心一橫假扮俾人綁架,諗住乘機鑿返一筆,點知黑仔到一個點……綁架竟然弄假成真!為咗份工,連命仔都不保,哈奴仲有冇機會逆轉頹局,成為人生勝利組?
 
 
電影《邊個出差咁黑仔?》 "GRINGO"
主演:大衛奧伊羅奧、查莉絲花朗、祖艾格頓、雅曼達施菲
導演:拿殊艾格頓
級別:IIB
片長:110分鐘
語言:英語 (中文字幕)
片種: 劇情 | 喜劇